ગોબી પકોડે

 સામગ્રી

-200 ગ્રામ ચણાનો લોટ
-300 ગ્રામ ફ્લાવર
-1/4 ટી સ્પૂન લાલ મરચું પાવડર
-50 ગ્રામ કોથમીર
-5 થી 6 નંગ લીલા મરચાં
-મીઠું સ્વાદાનુસાર
-તેલ તળવા માટે

રીત

સૌપ્રથમ એક વાસણમાં ચણાનો લોટ ચાણી લો. તેમાં ધીમે-ધીમે પાણી ઉમેરતા જઈને ખીરૂં તૈયાર કરો. ચમચાની મદદથી ખીરાને બરાબર ફેંટી લો, જેથી લોટના ગઠ્ઠા ન રહી જાય. હવે તેમાં મીઠું, લાલ મરચું પાવડર, લીલા મરચાં, ધાણાજીરૂં અને કોથમીર ઉમેરીને બરાબર મિક્ષ કરી લો. ત્યાર બાદ તેને પંદરથી વીસ મિનિટ માટે ઢાંકીને મૂકી રાખો. હવે ફ્લાવરને બરાબર ધોઈને સાફ કરી લો. તેના મોટા-મોટા ટુકડા કરી લો. હવે તેલ ગરમ કરવા માટે મૂકો. તેલ ગરમ થાય એટલે ફ્લાવરના એક ટુકડાને તૈયાર કરેલા ખીરામાં ડુબાડીને તેલમાં તળી લો. લાઈટ બ્રાઉન રંગના થાય એટલે તેને સર્વિગ પ્લેટમાં કાઢીને સર્વ કરો. આ રીતે જ બધા પકોડા તૈયાર કરી લો. પછી ગરમા-ગરમ પકોડાની મજા માણો.