કાબુલી ચણા બિરયાની

સામગ્રી 
-1 કપ કાબુલી ચણા
-2 ચમચી ઘી
-1 ચમચી જીરૂ
-5 લવિંગ
-1 ઈંચ તજ
-1 કાળી ઈલાયચી
-2 કપ બાસમતી ચોખા
-1 ચમચી આદુની પેસ્ટ
-1 કાપેલુ ટામેટુ
-2 ઝીણા કાપેલાલીલા મરચાં
-1/2 ચમચી લાલ મરચું
-1/2 ચમચી પુલાવ મસાલા
-મીઠુ સ્વાદાનુસાર

રીત

આખી રાત કાબુલી ચણાને પલાળી રાખો. સવારે તેને પ્રેશર કુકરમાં નાખી 2 સીટી વગાડી લો. એક કઢાઈમાં ઘી ગરમ કરો. તેમા જીરું, લવિંગ, ઈલાયચી અને તજ નાખીને હલાવો. થોડીવાર પછી તેમા લીલા મરચાં નાખીને 3-4 મિનિટ થવા દો. ત્યારબાદ આદુની પેસ્ટ નાખો અને તેને પણ થોડીવાર સુધી હલાવો. પછી ટામેટા અને મીઠુ નાખીને ચાર-પાંચ મિનિટ થવા દો. ટામેટા મેશ થઈ જાય કે તેમા બાફેલા ચણા નાખી દો. હવે લાલ મરચું અને પુલાવ મસાલો નાખી 2-3 મિનિટ થવા દો. હવે તેમા ધોયેલા બાસમતી ચોખા અને ત્રણ કપ પાણી નાખીને ઢાંકી મુકો. 15 મિનિટ સુધી ધીમા તાપ પર પુલાવને બફાવા દો. તૈયાર છે તમારો ચણા પુલાવ. ઉપરથી સમારેલી કોથમીર ભભરાવી સર્વ કરો.